Panatang Makababoy

by Edu Reyes

Panatang Makababoy
Ninanakawan ko ang Pilipinas

Ito ang aking pinagkakakitaan

Ito ang pinagkukuhanan ng aking lahi

Ito’y aming kinukukop ang ari-arian

Upang maging mayaman, maligaya kahit walang pakinabang

Bilang ganid, diringgin ko ang payo ng aking mga kasosyo

Susundin ko ang mga tuntunin na nakasaad sa programa ng PDAF

Palulusutin ko ang mga pagkupit sa mga mamamayan at kaban ng bayan na naaayon sa batas

Lilinlangin ko ang aking bayan nang walang pag-iimbot at walang pananagutan

Sisikapin kong maging isang tusong Pilipino sa isip, sa salita, at sa gawa.

--------

Panatang Makabayan

Iniibig ko ang Pilipinas

Ito ang aking lupang sinilangan

Ito ang tahanan ng aking lahi

Ako'y kanyang kinukupkop at tinutulungan

Upang maging malakas, maligaya at kapakipakinabang

Bilang ganti, diringgin ko ang payo ng aking mga magulang

Susundin ko ang mga tuntunin ng aking paaralan

Tutuparin ko ang mga tungkulin ng isang mamamayang makabayan at masunurin sa batas

Paglilingkuran ko ang aking bayan nang walang pag-iimbot at ng buong katapatan

Sisikapin kong maging isang tunay na Pilipino sa isip, sa salita, at sa gawa.